خاطره في حب مصر

وحشاني يا حته سكره
يا جوة قلبى منورة
وحشانى و عنى مبتغيبيش
عتشان من غيرك لا يمكن اعيش
ولا حتى لحظة صغيرة
وحشانى يا حتة سكرة
النيل فى ارضك شكل تانى
وقبل ما يجى كان بيعانى
شاف كتير بلاد وبلاد
شاف السهر والسهاد
ولما جالك شاف اغانى
ونجيب حكاله بالثرثرة
وحشانى يا حتة سكرة
بحبك يا بلد العندليب
يا ارض اهلى والحبيب
وارض ثومة وارض زويل
ياما فى بعدك شفت الويل
دى حروفك فى قلبى متسطرة
النيل اداكى لينا هبة
هدية عشانا مترتبة
بحب فيكى اى شيىء
يكون موجود او لاشيء
حتى الغبار و الاتربة
والمية صافية او متعكرة
وحشاني يا حته سكره